مش عارف

ممم ، وبعدين ؟
حالة موت مؤقت ..
احتاج لروحي ..

.

هاتكلم شويه

فرحانه وزعلانه ومتضايقه وخايفه ومتشوقه ومبسوطه وعايزه انام
فرحانه لان بكره الزياره اخيرا يا رب اعرف اروح
اخيرا اليوم ده جه .. يا رب يكون احلي من اللي توقعته

كان يوم متعب اخر حاجه واللي ضايفني فيه الدكتوره اللي نادت اسامي الناس عشان تشوف مين حاضر ومين كاتب اسمه ومش حاضر
انا من التانيين بصراحه لان راسي كانت مصدعه ورحت انا واماني نمنا في الجامع .. هي بتعمل ايه اصلا غير انها بتقرأ من المذكره؟
انا متضايقه اويييييييييي الجيبه السودا بتاعتي وقع عليها سيلفوريك في المعمل واتخرمت وبقت لاءااا
هوا اي نعم وقع علي ايدي بردو :D
اول مره وقع مخفف تاني مره مركز .. يلا اشطه
يوم السبت يوم رخم وخنيق وغتييت
همه كويسين وياريت لو اكون معاهم بس طريقتهم رسميه شويه !
الجامعه مطلعه رحله لشرم .. وانا عايزه اطلع مليش دعوه !
المسن لقي ممل ومالوش لزمه والفيس عشان اشوف الخلق اللي مش بشوفهم خالص حتي في الجامعه
يمكن بشوفهم في الاتوبيس او المكروباص وانا في المواصلات .
نفسي اجيب لاب بقي .. وموبايل كده لذيذ
مش عارفه ليه مصممين اني اتعلم السواقه وانا اصلا مش في دماغي
اخد العربيه عشان اروح بيها الجامعه ؟ ده المواصلات اسهل !
هقعد اتخانق مع ده وده وحوار ركن العربيه والتخريم ودوشه
انا اصلا مش ناقصه وجع دماغ

كان نفسي اخش كلية طب .. :(
طيب عايزه اروح المشرحه حتي .. او حتي اخد في ام الكليه اللي انا فيها دي اي حاجه من طب
هوا احنا بناخد صراحه شويه بس بردو
اخيرا الكورس هيخلص يوم السبت يااه ده انا كنت بحس انه عقاب
نظري باز بعد الثانوية وبقيت اضايق من كده اوي

دكاترة الأناتومي مابيفهموش حاجه سواء نظري او عملي وبتخنق منها ومن الايام اللي بناخد فيها!
يمكن همه اصلا مش فاهمين كويس لانها لو فاهمه كويس كانت ردت علي كل الاسئله اللي تجيلها .. بلا نيله
انا مش بشوف اهلي غير بليل قبل منام !
ماما تقريبا هي اللي بشوفها كتير
واللي بشوفه ناس ماعرفهمش
في الطريق .. دول اللي بقعد معاهم اكتر الوقت .. مش اهلي احق بيه ؟

انا كان نفسي ابقي حاجه وشكلي هبقي حاجه تانيه
ما علينا ..

Do you still remember ?

أم كلثوم ، فيروز ، عبد الوهاب ، درويش ، الشيخ امام ، شادية .. الخ
اللي ماسمعش قديم يبقي ماسمعش ..

- لسه فاكر قلبي يديلك أمان ؟ ولا فاكر كلمة هتعيد اللي كان ؟
ولا نظره ، توصل الشوق والحنان ؟
لسه فاكر ؟ كان زماان .. كان زماان
لسه فاكر؟ كان زماان .. كان زماان .