معرض في التحرير

علي ميل الجامعه الرسالة التاليه :-

كتب من ألمانيا بميدان التحرير معرض كتاب الجمعة والسبت، 1 و2 أبريل، 10 ص - 6 م معهد جوته، وسط البلد يدعو معهد جوته القاهرة سيادتكم لحضور معرض مصغر للكتاب بالمعهد في ميدان التحرير، وذلك يومي 1 و2 أبريل 2011 من الساعة العاشرة صباحاً إلى السادسة مساءً. تتمثل قمة الاحتفالية بمعرض بيع الكتب في حضور سفير جمهورية ألمانيا الاتحادية، السيد/ ميشائل بوك، وذلك يوم الجمعة في تمام الساعة الرابعة بعد الظهر، حيث تقدم مخبوزات "البريتسل" الألمانية التقليدية. بعد الاضطرار لإلغاء معرض القاهرة الدولي للكتاب في يناير/ فبراير 2011 يعرض ويبيع معهد جوته مجموعة الكتب التي جلبتها ادارة معرض فرانكفورت والتي كان مخصص لها أن تعرض بالجناح الألماني بقاعة الاستقبال داخل المعهد بالتحرير، وذلك تحت شعار "كتب حديثة – عوالم جديدة"، كما تقام منافذ بيع الكتب لبعض تجار الكتب القاهريين، ممن لديهم مجموعات من الكتب الألمانية. رائع !

الـتـلبيـنة ..

التلبينة عبارة عن شعير مطحون بمنخالتة ..

تتحط علي ماية سخنة وممكن ازود لبن او عسل

شخصيا بجيبها جاهزه بتكون بالقرفة او الزنجبيل او القهوة

ماجرتش غير القرفه

مفيده جدا ومريحه جدا

تخفض الكروستول وتعالج القلب
منقية للدم
علاج للسرطان
علاج لتأخر الشيخوخة
علاج ارتفاع السكر والضغط
ملين ومهدىء للقولون
علاج للاكتئاب
مفرحة مهدئة للاعصاب
مقويه للذاكره

و عن تجربة ;)

عن تجربة علاج الاكتئاب بس

:D

يا مصر مالك ؟

أكثر ما يؤلم مصر أنها لاتستطيع التعبير عن ذاتها لذلك يعبر عنها كل شخص بطريقته

تماما مثل " مصر تتحدث عن نفسها " لـ الشاعر حافظ إبراهيم والتي غنتها أم كلثوم

.. - علي فكره ربنا أداك بوء واحد وودانيين اتنين عشان تسمع اكتر مما تتكلم - !!

" مصر بقي فيها 85 مليون محلل سياسي وكل واحد هوا اللي بيفهم وغيره مابيفهمش وخاين ومابيحبش مصر ؟

أمال مين اللي بيحب مصر ؟

انا !

التعليم في مصر ..

التعليم في مصر سيء لأبعد الحدود خصوصا في المرحلة الثانوية .. حيث أنهم يجعلونك تعتمد علي الحفظ

اللي يشوف التعليم دلوقتي يستغرب

ليه احنا اللي نروح برا ليه مانخليش مصر اللي برا همه اللي يجولها ؟

ليه لما واحد يحب يعمل دراسات عليا او غيره يفضل يروح برا ؟

ليه مانستخدمش اللي احنا اتعلمناه وبعد كل درس بيخلص بيقول انه مش موجود في مصر ليه

مصر مش أقل من اللي برا

..

- كيف انتوا في مصر ؟

احنا 4 فرق

الاولي وهيه النظام واللي ماسكين الحكم ومش عايزين يمشوا

التانيه اللي همه كل واحد خاين بص لمصلحته وبس واخد من هنا ومن هنا وعمل حاجات ضد البلد

التالته اللي مع التغيير بس قالو خلي الرئيس يكمل فترة ولايته وخلو اللي في التحرير يمشوا اصلهم موقفين حال البلد ..

والرابعه اللي همه في التحرير واللي معاهم ومش عارفين يروحوا .. ومش عايزين الرئيس يكمل ولايته

لانه لو كمل هيخربها

يا جماعه ده التعذيب لسه شغال

انا عايزه اعرف لمصلحة مين ؟ لمصلحة مين قانون الطواريء ؟ والتعذيب في الاقسام ؟

فعلا اكتر حاجه الواحد كان بيخاف منها انه يدخل قسم شرطه

لانه كرامتك جوا ضايعه ضايعه ويمكن روحك وراها كمان ..

مكاسب الثورة المصرية: ١. اقالة الحكومة الأردنية ٢. رفع قانون الطوارئ في الجزائر ٣. اعلان الرئيس اليمني عدم ترشيح نفسه للرئاسة ٤. تعديل الدستور الصيني ٥. قمع الشعب السوري قبل ما يفكر يثور ٦.تعهد الرئيس العراقى انه لن يترشح لفترة رئاسة قادمة

اي خدمه يا عرب :)

إن نقطة دم مصرية أثمن عندي من كل عروش الدنيا ، والرحيل فوراً أهون علي قلبي من سفك دماء مصرية حفاظاً علي منصبي - الملك فاروق

شوف الفرق!!

..

هــه ..

أشعر اني عندما أكتب هنا أن هناك أشياء تقيدني ولا أكتب بحرية .. وأحيانا العكس

أنت لا تدري عما بداخلي .. لا تعرف اني في حياتي اتخذ الكثير من القرارات التي ليس لها مبرر ولا استطيع الإجابه إذا سألني شخص لمَ فعلت هذا لانه بالتحديد ليس لأحد دخل فيما أفعل طالما أنه لن يتأذي من قراري ..

الطيور في أعلي المدونه تهرب باتجاه آخر ..

" نفسي اتحط في قبر 3 أيام او كذا يوم .. عشان اصحي وكأن كل بلوي حصلت قبل كده كأنها محصلتش "

ههه ..

- ممم ..

- ؟ ايه !

- مش عارفه

- انا عارفه الشعور ده لما تكوني عايزه توقفي حياتك كلها عشان مشكله عايزه تحليها .

- ممم .. يمكن

المشكله انها مش مشكله .. المشكله انه نتيجة قرار متسرع .. ربما

ممم مش عارفه

بس انا اتخنقت .. بجد اتخنقت .

..مsر

قال صلى الله عليه و سلم : من آذى ذميا فقد آذاني ومن آذاني فقد آذى اللة

(ذميا = كتابيا) وقال أيضا: استوصوا بقبط مصر خيرا صدق رسول الله صلى الله عليه و سلم,

أنا مسلم و أرفض ما حدث بكنيسة القديسين !!! حسبى الله و نعم الوكيل !!!