- هيعملوا ملعب تنس
- ده فين ده ؟
- مش عارفه ..همه ابتدو يحطو بتاع مش فاكره فين
- افتيتِ .. وايه تاني؟
- وهيجيبو "سيكيورتي"
- يعني مش هنعرف نزوغ ؟ .. بس علي مين ؟ ده احنا المصريين :D
- هيعملو "كافيه" وقعده وساندوتشات وكده
- حلوه دي اوي
- هيشيلو كل الدسكات اللي في المدرسه وهيحطو نظام الكرسي وتاربيزة .. كل واحد لوحده
- هههههه 40 كرسي في الفصل :D
- هيبيضو المدرسه
- من برا ولا من جوا ؟
- مش عارفه
- هيكون من حق الطالب انه لو زهق من المكان اللي المدرس بيشرح فيه ممكن يطلب منه انهم ياخدو باقي الحصه تحت
- ههههه حلوه دي
- هيكون في اعمال سنه
- يعني ايه ؟
- يعني نشاطات ومقالات وكلام من ده وامتحانات الشهر والكلام الفاضي ده
-آآآآه
" طبعا يا صحبتي احنا مش هنشهد اي حاجه من التغييرات دي ده إذا حصلت يعني لاننا هنكون خلصنا !
وكل ده علشان المدرسه داخله مسابقه هيه والمجمع ومدرسة من الاسكندريه مش عارفه ايه
واحسن بتنجان و و و... "
ربنا معاهم .. ياريت التغييرات دي تحصل فعلاً
لو حتي دفعتنا مش هتحضرها .. بس يكونو عملو حاجه من اللي كل شوية يوجعو ودانا بيها !
هناك تعليقان (2):
ليه نكره؟؟؟؟؟
الموضوع مبيقولش كده خالص
الموضوع ده حلو جدا ودمو خفيف جدا جدا
كل عام وانتم بخير
تحياتى
نَكره علي الشخصية
وفي فرق
بين الموضوع وبين الشخصيه :)
وانتَ بخير
إرسال تعليق