السلام عليكم
بدأت الدراسه
صحيح ان انا لسه في ثانوي .. بس ليا لسان وسط الناس
بيحترم نفسه مع المحترمين .. وطويل مع عديمي الذوق
المهم ..
هتكلم عامي هنا .. لاني بجد دمي بيغلي
رحنا المدرسه قبل العيد كام يوم
وسمعنا كالعاده الـ "قوانين" الجديده - قال يعني -
مهما قالو ومهما عادو
هنفضل زي مـ احنا
بالنص قالت
"كل واحده لازم تلتزم بالزي واللي مش عاجبها تاخد ملفها وتنقل علي مدرسه تانيه !
اللبس جيبه رمادي وقميص ابيض والطرحه بيضه
ولو منتقبه يبقي النقاب ابيض
علشان تبقي سنه بيضه عليكو
عبايات مش عايزة
دريلات مش عايزة
ومن فوق تلبسي قميص
مش عايزة واحده تلبسلي بادي كارينا ولا الحركات بتاعتكو دي"
- انا عمري ما لبست بادي كارينا ده .. البس اللي يعجبني بس لا يمكن البسه ! -
مم
رحنا يوم 7 اكتوبر .. مكناش نعرف ان النظام ده خلاص عملوه
بيقولو انه جه من مدير المنطقه - مش عارفه مين هوا الصراحه-
واحد مهم يعني .. علشان لما جه قبل كده لئي مناظر -استغفر الله العظيم-
مش وحشه اوي يعني ^^ .. بس لا تليق بالازهر !
المهم يعني
وانا نازله من البيت مفيش فيا شعرايا غلط :D
دخلين زي الاسياد
اتفضلي يا هانم انتِ وهيه..علي فين ؟
طالعين ..
يا سلااااام
وقفنا كالعاده في طابور المتزنبين
والسبب .. "جايين محترمين
مش محترمين في اللبس بس
لا ده من جوا ومن برا والحمد لله"
نفسي بجد
اقولها طولي الجيبه اللي حضرتك لابساها لانه الحجاب مش جيبه لحد الركبه !
وانتِ اساسا ازاي عينوكي في الازهر ؟ - وليه مستفزه اوي-
زي اللي يقعد ينصح فـ غيره وهو اساسا .. لو بص في نفسه هيلاقي عيوب الدنيا كلها فيه
المهم
البرود ده مش عارفه جالي منين .. لما صحيت لئيت الساعه 8 الا عشره
كان المفروض اكون في المدرسه .. صحيت وكأني صاحيه من الفجر
وبكل برود باكوي هدومي .. وبراحتي عـ الاآخر !
اللي كنت بروح معاها نفضلتلي .. لاني بئيت اصحي متأخر
بحب اروح براحتي .. مهو كده كده مش هـ حضر الحصه الاولي ! لاني هقف مع المتزنبين
ههههههه .. كنا حوالي 70 واحده
بجد صعبت عليا المدرسه كانت هتعيط بعد شويه
تعبت من الوقفه معانا وخصوصا ان معانا ناس تاكل الصخر يعني
واقفين نهزر ونضحك وناكل لبان وكله تمام التمام
المهم بئه في الموضوع اني مش هلبس جيبه
انا البس قميص مدرسه ؟ ليييييييييه !
انا البس عبايه لا اكتر ولا اقل .. مش عاجبها تشد فـ شعرها
بس صحيح قالو لو عايزة تفضلي بالعباية ولا بالدريل ابئي البسي القميض من فوق
ماشي ماشي
هلبس القميص وانا داخله وابئه اقلعه لما اطلع فوق
بس عندنا ناس مش هيلبسو لا قميص ولا جيبه
دوله كانو عاملين انهم هيجيو بلبس خارجي هههه
دماااغ ..
مش عارفه يمكن الموضوع مش اللي يتكتب .. بس انا بكتب في مدونتي براحتي !
عايزين ينخربو في الازهر بأي شكل ..
ده حتي العباية محترمه اكتر من الجيبه والقميص
خصوصا لما يكون القميض متفصل !
عمـــار يا مصر ..
ومش هتخلي عن العباية ..
هناك 4 تعليقات:
السلام عليكم ورحمة الله وبركاتة
اختى الغالية / نكرة
كلامك فى منتهى الادب والاحترام واللائق بصفات المسلمة الملتزمة بااصول دينها
بس بلاش نبص للى امامنا هيا تلبس جيبه قصيرة طويلة سيبك منها مش انتى اللى هاتحسبيها المهم التزمى انتى بقواعد دينك
واعلمى جيدا انك لست ملك لنفسك فاحفظى عليها طاهرة كما هى
الى ان ياذن لكى الله ..
بجد بوست هايل وبجد ياريت كل اخت تقراة على شان تعرف ان الالتزام بالبس والاخلاق واجب كل مسلم ومسلمة
تحياااااااااااااااااااااااااتى
وعليكم السلام ورحمة الله
اهلا ^^
عايزة تلبس قصير تلبس قصير بس مش علي حسابنا
انه تتحط علينا قوانين ملهاش لزمه اصلا
مش مشكله
نوّرت ^^
ازيك يا قمر .
وعام دراسى جديد عليك . ربنا يوفقك فيه ان شاء الله . وعن رأى متحوليش تهتمى قوى بمظهر اللى حواليكى . سواء فى اللبس او التصرفات . لما ربنا يكرمك وتدخلى الجامعه ان شاءالله .هتشوفى فيها اكتر من كده بمراحل فنصيحة منى لو هتفضلى كده هتتعبى قوى
وبعدين انتى شكلك حد محترم واخلاقك عالية . يبقى الاحسن انك تخلى زهقك من الموضيع دى انها دايما تفكرك تمشى على الطريقة اللى انتى ماشية عليها
ازيك يا حبيبتي
كل عام وانت طيبة بمناسبة بداية الدراسة
على فكرة انا مدرسة ثانوي ازهري
بس الحمد لله ملتزمة
وعلى فكرة عندنا بيلبسوا اي حاجة اي نعم لونها رمادي بس مش مقيدين بجيب او عباءة
كله ماشي
المهم ييجوا وخلاص
قلبي معاكي وربنا يوفقك يارب
واوعي تكرهيني علشاني ازهرية
دمتي بكل الخير
إرسال تعليق