انا هفضل في الكلية دي

تعديل :- ( أنا مش هفضل في الكلية دي :D :D )

(هههه شكلي مش هفضل فيها :S )

ربما ، ..

أشعر وبأن هناك شيء ما كبير لابد أن أحققه .. لا أريد ان تنتهي حياتي قبل أن افعله ..

..

انا علي فكره بحب الكلية بتاعتي جداٌ ونفسي اجيب فيها امتياز بس مش ده هدفي الاساسي

بس هوا لازم اجيبه عشان اللي بعد كده .. ماعرفش هعرف احقق اللي في دماغي ولا لا

بس هحاول

حاسه ان حاجات كتير اوي فيا اتغيرت .. اوي

..

مابحبش اقول لحد انا في كلية ايه عشان الكل واخد عنها فكره وحشه !

- انتي هتطلعي في الاخر ايه ؟ مدرسة احياء ؟

- ببقي عايزه اقولها اتفووووووووووووو عليكي

طالما انت ماتعرفش حاجه عن الكلية دي بتتفلحس وتتكلم وتفتي ليه واول لما تسمع كلية علوم تروح تقول يا ساتر يا رب

بجد حاجه تقرف

وبفرح اووووووووووي لما الدكاتره بتوعنا يعاملو بتوع صيدله وطب اسنان وهندسه معامله مش حلوه

همه اصلا بيقعدو يعجبو ويتنكو علينا .. يلا بقي اشربو

اه علي فكره انا مش بكره الكليات التانيه بس كل واحد بيحب كليته !

microbiology chemistry ;)

..

لحد دلوقتي بابا مش عاجبه الكلية .. بس انا عجباني جدا! وهيه دي اصلا اللي انا كنت عايزاها

ماكنتش عايزه لا صيدله ولا طب اسنان ولا الكلام ده ليه ماعرفش اهو مش حباهم وخلاص

بس بابا لسه عايز يدخلني جامعه خاصه اسنان ..

بس ماظنش اني هخشها .. جامعه خاصه ايه بس ..

..

لما ابقي اتعلم شويه هعمل مدونة تانيه وهكتب فيها ممم مش زي هنا بس ..

..

مابقتش احب اكتب باللغه العربيه ..

اهو بكتب كده مزاجي ! ..